पुणे प्रतिनिधी :- तळेगाव दाभाडे- २०२१ मध्ये कायदेशीर घटस्फोट झालेला, पत्नीच्या नाते नसताना देखील महिलेच्या चारित्र्यावर संशय घेऊन तिच्याबद्दल इंस्टाग्राम, फेसबुकला जॉईंट असणाऱ्या ओळखीच्या व इतर लोकांना पत्नीबद्दल अश्लील पोस्ट करत असे. तसेच मुलगा व घटस्फोटीत महिलेचे आई-वडील यांची बदनामी करत असल्याने तळेगाव दाभाडे पोलीसांनी तरुणावर दुसऱ्यांदा गुन्हा दाखल करून सदर आरोपीला अटक केली आहे.
सविस्तर माहिती अशी की,
नवरा आणि नणंद सतत त्रास देत असल्याने फिर्यादी महिला मुलासह २०१२ सालापासून आई-वडिलांकडे तळेगाव दाभाडे येथे राहत आहेत. आरोपी पती निलेश गुलाब जाधव (रा. चाकण, आंबेठाण चौक) हा तरूण आजारपणाचे नाटक करून कोणताही काम धंदा करत नव्हता. पत्नीच्या चारित्र्यावर संशय घेऊन तिला मारहाण करत होता. त्यामुळे या त्रासाला कंटाळून पत्नी आई-वडिलांकडे राहत होती. त्यांचा २०२१ मध्ये कायदेशीर घटस्फोट देखील झालेला आहे. तरीसुद्धा आरोपी घटस्फोटीत पत्नीबद्दल अश्लील पोस्ट करत मुलगा व घटस्फोटीत महिलेचे आई-वडील यांची बदनामी करत होता. यापूर्वी देखील महिलेने याबाबत तळेगाव पोलीस ठाण्यात तक्रार केली होती. तरीसुद्धा आरोपी निलेश गुलाब जाधव हा वारंवार पोस्ट टाकत महिलेला त्रास देत होता. त्यामुळे फिर्यादी महिला यांनी आरोपीच्या या त्रासाला कंटाळून पुन्हा तक्रार केल्यानंतर बदनामी केल्याने दुसऱ्यांदा गुन्हा दाखल करत सदर आरोपीला अटक करण्यात आली आहे. तळेगाव दाभाडे पोलीस स्टेशनचे निरीक्षक प्रवीण कांबळे हे पुढील तपास करत आहेत.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
