महिलांनी तयार केलेल्या फॅशन, लाइफस्टाइल प्रॉडक्ट्स, ज्वेलरी, होम डेकोर आणि खास फेस्टिव कलेक्शचे प्रदर्शन
पुणे- जितो लेडीज विंग तर्फे महिलांना व्यावसायिक दृष्ट्या प्रोत्साहन देण्यासाठी ‘उडान’ उपक्रमाचे आयोजन करण्यात आले.
मुकुंदनगर येथील थ्रीडी डेस्टिनेशनमध्ये पार पडलेल्या भव्य सोहळ्यात ८० हून अधिक उद्योजिका महिलांनी तयार केलेल्या फॅशन, लाइफस्टाइल प्रॉडक्ट्स, ज्वेलरी, होम डेकोर आणि खास फेस्टिव कलेक्शनच्या विस्तृत श्रेणी उपस्थितांना विशेष आकर्षण ठरले.
राज्यमंत्री माधुरी मिसाळ तसेच प्रसिद्ध स्टायलिस्ट डॉली जैन यांच्या हस्ते या कार्यक्रमाचे उद्घाटन झाले. डॉली जैन यांनी त्यांच्या अनुभवातून दृढ निश्चय आणि मेहनतीच्या जोरावर कोणतेही लक्ष्य साध्य करता येते असे बोलून त्यांचा संघर्षमय जीवन प्रवास कथन केला. त्यातून उपस्थित महिलांना नवी उर्जा दिली.
जितो पुणे चॅप्टरचे चेअरमन इंद्रकुमार छाजेड आणि चीफ सेक्रेटरी दिनेश ओसवाल यांच्या मार्गदर्शनाखाली जितो लेडीज विंग पुणेचे अध्यक्ष एकता भन्साळी आणि वरिष्ठ सचिव पूजा राठोड यांच्या नेतृत्वाखाली जैन इंटरनॅशनल ट्रेड ऑर्गनायझेशन (JITO) लेडीज विंगतर्फे ‘उडान रूबरू ७.०’ प्रदर्शनाचे आयोजन केले होते. या प्रदर्शनाला पहिल्याच दिवशी जवळपास चार ते पाच हजार नागरिकांनी भेट दिली.
जितो लेडीज विंग पुणे अध्यक्ष एकता भन्साळी, वरिष्ठ सचिव पूजा राठोड, सचिव रीता जैन, खजिनदार वंदना राठोड आणि अर्चना कोचर व रूपाली भंडारी यांनी या कार्यक्रमाचे आयोजन केले होते. प्रदर्शनाला राठोड ज्वेलर्स आणि पल्लोड क्रिएशन यांचे विशेष सहकार्य होते.
या प्रसंगी जितो एपेक्स प्रेसिडेंट विजय भंडारी, जितो एपेक्स चेअरमन इंदर जैन, जितो पुणे चॅप्टरचे चेअरमन इंद्रकुमार छाजेड, जितो एपेक्स डायरेक्टर राजेश साकला, जितो पुणे चॅप्टरचे चीफ सेक्रेटरी दिनेश ओसवाल, सेक्रेटरी लक्ष्मीकांत खाबिया, ट्रेझरर दिलीप विनायकीया, को-ट्रेझरर रूपेश कोठारी, जॉइंट सेक्रेटरी विशाल सिंघवी, अभय छाजेड, राजश्री शिळीमकर, कविता वैरागे, मानसी देशपांडे, वर्षा तलेरा, सुजीत भटेवरा, उमेश बोरा, अभिजीत डुंगरवाल, आनंद चोरडिया, संजय राठोड, विमल बाफना, लतिका साकला, राजश्री पारख, शशिप्रभा छाजेड, प्रभा ओसवाल, प्रियांका परमार, पुनम ओसवाल, खुशाली चोरडिया, लकीशा मरलेचा आदी मान्यवर उपस्थित होते.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
