भरत सुराणा यांचा दरवर्षी प्रमाणे उपक्रम
महर्षीनगर : महर्षीनगर येथील साईयोगी सेवा प्रतिष्ठानच्या वतीने अवघ्या पाच रुपयात गणेश मूर्ती हा लोकोपयोगी उपक्रम सुरु केला आहे. या उपक्रमाचे उद्घाटन काँगेस शहराध्यक्ष अरविद शिंदे यांच्या हस्ते झाले. यावेळी काँग्रेस प्रदेश खजिनदार ॲड. अभय छाजेड उपस्थित होते. प्रतिष्ठनच्या संस्थापिका योगिता सुराणा यांनी महर्षीनगर, गुलटेकडी परिसरातील वसाहती, चाळीतील नागरिकांसाठी उपक्रम राबविलेला आहे. “सर्वांना गणेशाची आराधना करता यावी. म्हणून हा उपक्रम राबविण्यात येत आहे. खरंतर मूर्तीचे वाटप हे मोफतच करायचे होते. पण धार्मिकबाब असल्यामुळे नाममात्र रक्कम म्हणून केवळ पाच रुपये शुल्क आकारले जाते.’ गरीबातील गरिब नागरिकांना देखील गणेशोत्सव साजरा करता यावा हा त्या पाठीमागचा दृष्टिकोण असल्याचे काँग्रेस व्यापारी सेलचे अध्यक्ष भरत सुराणा यांनी यावेळी सांगितले.
‘या उपक्रमाला मी गेली सहा वर्षे येतोय. स्थानिक नागरिकांचा सहभाग वर्षानोवर्षं वाढत आहे. पुणे शहरात अश्या प्रकारचे उपक्रम राबविणे हीच काँग्रेस पक्षाची जमेची बाजू आहे.’ असे उदघाटन करताना अरविंद शिंदे यांनी सांगितले.
‘मी या भागात चाळीस वर्षापेक्षा जास्त काळ लोकप्रतिनिधी म्हणून कार्यरत आहे. सुराणा यांचा हा उपक्रम नाविन्यपूर्ण आणि अतिशय लोकोपयोगी आहे.’ असे ॲड. अभय छाजेड यांनी अध्यक्षीय भाषणात बोलताना सांगितले.
नागरिकांकडून ५५५ गणेश मूर्त्यांची नोंदणी झालेली आहे.
सदर कार्यक्रमावेळी अजित दरेकर, अनील गेलेडा, मांगीलाल सोलंकी, दिनेश छाजेड, उमेश मांडोत, अरुण कटारिया, प्रमोद संचेती, रमेश सोनकांबळे, सुरेश चौधरी, बेबी राऊत, बाळासाहेब अटल, नितिन निकम, अल्ताफ सौदागर आदी मान्यवर उपस्थित होते.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
