दिवाळी पाडवाच्या शुभ मुहूर्तावर भारतीय वारकरी मंडळाच्या युट्युब चॅनेलचे उद्घाटन झाले.
पुणे- अमृत महोत्सवी वर्षाकडे वाटचाल करणाऱ्या भारतीय वारकरी मंडळाच्या युट्युब चॅनेलचे कार्तिक शुद्ध प्रतिपदा दिवाळी पाडवाच्या शुभ मुहूर्तावर उद्घाटन करण्यात आले आहे. भारतीय वारकरी मंडळ ही पुणे शहर व पंचक्रोशीमध्ये वारकरी संप्रदायाचा प्रचार व प्रसार करणारी जुनी व नामांकित अशी वारकरी संस्था आहे. ही संस्था अमृत महोत्सवाकडे वाटचाल करीत असून संस्थेतर्फे नेहमीच धार्मिक, सांप्रदायिक, सामाजिक इ. विविध उपक्रम राबविले जात असतात.
यावेळी भारतीय वारकरी मंडळाची माहिती देताना कार्यवाह अखिल झांजले म्हणाले कि,
‘भारतीय वारकरी मंडळ आता सोशल मीडियाच्या द्वारे डिजिटल मीडियामध्ये प्रवेश करून एक नवीन क्रांती घडवत आहे. त्याकरिता सर्वांचे सहकार्य खूप गरजेचे आहे.’
वारकरी संप्रदायाचा प्रचार व प्रसार याकरिता आपण सर्वांनी भारतीय वारकरी मंडळाच्या युट्युब चॅनलला जास्तीत जास्त सस्क्राईब व लाईक करावे, असे आवाहन देखील यावेळी करण्यात आले आहे.
सदर कार्यक्रमासाठी मंडळाचे अध्यक्ष धनंजय बडदे, उपाध्यक्ष सुनील रासने, कार्यवाह अखिल झांजले, सहकार्यवाह महेश नरळे, सुभाष साळुंखे, केदार कवडे, खजिनदार महेश तुरे, हिशोब तपासणी रवींद्र भरम, विणेकरी संदीप सपकाळ व इतर कार्यकारी मंडळाचे सभासद उपस्थित होते. हा कार्यक्रम हा श्री विठ्ठल मंदिर कस्तुरे चौक येथे पार पडला.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
