पुणे – जिल्हा शिक्षण मंडळाच्या अण्णासाहेब मगर महाविद्यालयाने (हडपसर) सादर केलेल्या ‘काही प्रॉब्लेम ये का?’ एकांकिकेने बाजी मारत महाराष्ट्रीय कलोपासक आयोजित आंतर महाविद्यालयीन पुरुषोत्तम करंडक एकांकिका स्पर्धेत हीरक महोत्सवी पुरुषोत्तम करंडक पटकावला. संघाला ५००१ रुपयांचे रोख पारितोषिकाबरोबरच सांघिक प्रथम (काही प्राब्लॅम ये का?, अण्णासाहेब मगर कॉलेज, हडपसर), सर्वोत्कृष्ट दिग्दर्शक आस्था काळे (काही प्राब्लॅम ये का?, अण्णासाहेब मगर कॉलेज, हडपसर) अभिनय नैपुण्य (अभिनेता) ओमकार कापसे (प्रतिक, काही प्रॉब्लेम ये का?, अण्णासाहेब मगर महाविद्यालय, हडपसर) अभिनय उत्तेजनार्थ (अंतिम फेरी) : विद्यार्थी, भूमिका, एकांकिका महाविद्यालय या क्रमानेआस्था काळे (दृष्टी, काही प्रॉब्लेम ये का?, अण्णासाहेब मगर महाविद्यालय, हडपसर), समिक्षा काळे (बहिण, काही प्रॉब्लेम ये का?, अण्णासाहेब मगर महाविद्यालय, हडपसर अशी एकूण सहा पारितोषिके मिळवत जल्लोष केला.
या भरघोस यशाबद्दल महाविद्यालयाने ‘काही प्रॉब्लेम ये का?’ या एकांकिकेच्या कलाकार विद्यार्थ्यांचे महाविद्यालयाचे प्राचार्य व व सावित्रीबाई फुले पुणे विद्यापीठाचे व्यवस्थापन परिषद सदस्य डॉ. नितीन घोरपडे यांनी गळ्यात हार घालून व पेढे भरवून जंगी स्वागत केले. कलाकारांबरोबर महाविद्यालयातील विद्यार्थ्यांनी डीजीचे ठेक्यात, फटाके फोडत आनंदोत्सव साजरा केला.
पुणे जिल्हा शिक्षण मंडळाचे उपाध्यक्ष राजेंद्र घाडगे यांनी विद्यार्थांचा पुष्पगुच्छ देऊन कलाकार विद्यार्थ्यांचे कौतुक करत अभिनंदन केले.
तसेच पुणे जिल्हा शिक्षण मंडळाचे मानद सचिव मा. अॅड. संदीप कदम, खजिनदार मा. अॅड. मोहनराव देशमुख, उपसचिव मा. एल. एम. पवार, सहसचिव मा. ए. एम. जाधव, डॉ. शंतनू जगदाळे महाविद्यालयाचे उपप्राचार्य डॉ. शुभांगी औटी, डॉ. प्रशांत मुळे, प्रा. अनिल जगताप, प्रा. सुधीर रोकडे यांनी ‘काही प्रॉब्लेम ये का?’ टीमचे अभिनंदन केले.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
