पुणे – जुन्नरचे आमदार शरद सोनवणे यांनी वादग्रस्त वक्तव्य केले असून जुन्नर तालुक्यात चोरी चे प्रमाण वाढले असून फासे पारधी अहिल्या नगर जिल्ह्यातून येऊन येथे चोरी करतात अशा वक्तव्याने प्रकरण तापले असून ठिकठिकाणी आंदोलन होत आहेत.
या वेळी आंदोलकांनी आमदार सोनवणे यांच्या प्रतिमेवर शाई फेकली आणि जाहीर माफी मागण्याची मागणी केली. माफी न मागितल्यास तीव्र आंदोलनाचा इशारा देण्यात आला होता. दरम्यान, आमदार सोनवणे यांनी आळेफाटा चौकातील आंदोलनस्थळी भेट देऊन रामोशी समाजाची जाहीर माफी मागितली, ज्यामुळे तूर्तास वातावरण निवळले आहे.
आंदोलन आणि माफीनामा
या आंदोलनात बाळासाहेब शितोळे, सोमेश्वर भंडलकर, शंकर गोफणे, किरण मंडाले, सरपंच मुकुंद भंडलकर, आप्पासाहेब बोरुडे, नंदू चव्हाण, विपुल येलमर, गौरी शिरतर, बाळासाहेब शिरतर, धोंडीभाऊ भंडलकर, बबलू भंडलकर, साईनाथ शिरतर, सोनभाऊ भंडलकर, राहुल शिरतर, जितेंद्र भंडलकर, बाळासाहेब मस्कुले, नवनाथ शिरतर, गणेश गोफणे, रोहिदास बोरुडे, संदीप शितोळे यांच्यासह अनेकांनी सहभाग घेतला. आळेफाटा पोलिसांनी चोख बंदोबस्त ठेवला होता. आंदोलनाची तीव्रता पाहता आमदार सोनवणे यांनी घटनास्थळी भेट देऊन, “माझ्या वक्तव्याने रामोशी आणि फासेपारधी समाजाच्या भावना दुखावल्या असतील, तर मी जाहीर माफी मागतो,” असे निवेदन जारी केले.
काय आहे प्रकरण?
जुन्नर येथे सर्व अधिकाऱ्यांची आढावा बैठक आयोजित करण्यात आली होती या बैठकीनंतर माध्यम प्रतिनिधीशी बोलताना जुन्नर आमदार शरद सोनवणे यांनी ” जुन्नर तालुक्यात चोरीचे प्रमाण वाढले असून अहिल्यानगर जिल्ह्यातून रामोशी आणि फासेपारधी समाज येथे येऊन चोऱ्या करतात ” असे वक्तव्य केले. या वादग्रस्त वक्तव्याने दोन्ही समाजांमध्ये तीव्र असंतोष निर्माण झाला असून आळेफाटा येथे रामोशी समाजाने आंदोलन करत आमदारांविरोधात संताप व्यक्त केला.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
