महाराष्ट्र राज्यात आनंदाचे वातावरण
पुणे – नागपूर ची लेक दिव्या देशमुख हिने महिला विश्वकरंडकाच्या अंतिम फेरीत भारताच्याच कोनेरू हंपीला पराभूत करीत वयाच्या १९ व्या वर्षी विश्वविजेती होण्याचा मान संपादन केला आहे. या जेतेपदासह तिने ग्रँडमास्टर हा प्रतिष्ठेचा किताबही पटकावला. कँडिडेट अर्थातच आव्हानवीरांच्या स्पर्धेचे तिकीटही मिळवले. या संस्मरणीय कामगिरीनंतर दिव्यावर चोहोबाजूंनी कौतुकाचा वर्षाव होऊ लागला असून सर्व स्तरावर तिचे कौतुक होत आहे.
सुसान पोल्गर याप्रसंगी म्हणाल्या, की सर्वप्रथम दिव्याचे खूप खूप अभिनंदन. आणखी एक महत्त्वाची बाब म्हणजे विश्वकरंडक ही स्पर्धा सुरू होण्याआधी दिव्याकडे संभाव्य विजेता म्हणून बघितले जात नव्हते. मात्र तिच्याकडे एक बाब होती. ती इतर खेळाडूंमध्ये नव्हती. मानसिक कणखरता व दुर्दम्य इच्छाशक्ती दिव्याकडे होती.
सुसान पोल्गर हिने पुढे दिव्याच्या खेळातील विशेष गुणाचा उल्लेख केला. ती म्हणाली, की या स्पर्धेमध्ये दिव्या एखाद्या वेळी अडचणीत सापडली, एखाद्या प्रसंगी तिला खडतर मार्गातून जावे लागले; मात्र तिच्या देहबोलीवर काडीमात्र फरक पडला नाही. दिव्या कोणत्याही दबावाविना लढत राहिली. मानसिकरीत्या सक्षम असल्यामुळे तिला अंतिम विजेतेपद पटकावता आले.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
