पुणे – सातारा रस्त्यालगत असणाऱ्या पर्वती दर्शन येथे नियोजित(एसआरए) इमारतीत काम करत असताना तोल जाऊन पडल्याने एका बांधकाम मजुराचा मृत्यू झाला सदर घटना शनिवारी ३० ऑगस्ट सायंकाळी घडली. बांधकाम मजुराला सुरक्षा साधने न पुरवल्यामुळे झालेल्या या दुर्घटनेसाठी जबाबदार धरून ठेकेदारासह दोघांविरुद्ध पर्वती पोलिसांनी गुन्हा दाखल केलेला आहे.
गेंदमाई रघुराई साकेत (वय २९, मूळ मध्य प्रदेश) असे मृत्यू झालेल्या बांधकाम मजुराचे नाव आहे. याबाबत साकेत याच्या भावाने पर्वती पोलीस ठाण्यात फिर्याद दिली आहे. त्यानुसार ठेकेदार आणि सुरक्षाविषयक पर्यवेक्षकाविरुद्ध गुन्हा नोंदवण्यात आलेला आहे.
अधिक माहितीनुसार पर्वती दर्शन येथे झोपडपट्टी पुनर्वसन योजनेच्या अंतर्गत गृहप्रकल्पाचे काम सुरू आहे. साकेत शनिवारी (३० ऑगस्ट) सायंकाळी इमारतीच्या तिसऱ्या मजल्यावर काम करत असताना त्याचा तोल गेला आणि तो लिफ्टच्या मोकळ्या जागेत पडला. यात त्याच्या डोक्याला गंभीर दुखापत झाली आणि उपचारापूर्वीच त्याचा मृत्यू झाला. साकेत याला सुरक्षा दृष्टीने महत्वाची साधने न पुरवल्यामुळे झालेल्या दुर्घटनेस जबाबदार ठरल्याप्रकरणी गुन्हा दाखल करण्यात आलेला आहे. या प्रकरणाचा पुढील तपास पोलीस उपनिरीक्षक कोपनर करत आहेत.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
