पुणे – “गणेशोत्सव हा भक्ती, एकता आणि संस्कृतीचा उत्सव आहे; समाज जेव्हा एकत्र येतो तेव्हाच गणरायाचे खरे दर्शन घडते.” तोडकर गार्डन सहकारी गृहरचना संस्थेत सात दिवसांचा गणेशोत्सव मोठ्या उत्साहात साजरा झाला.
सात दिवस दररोज आरतीसोबत महाप्रसाद तसेच मुलांसाठी खजिन्याचा शोध, क्रीडा स्पर्धा, महिलांसाठी पाककला, संगीत खुर्ची, सजावट तर सर्वांसाठी नृत्य, फॅशन शो, सांस्कृतिक कार्यक्रम असे विविध कार्यक्रम पार पडले.
आरतीची थाळी सजावट स्पर्धा व भव्य विसर्जन मिरवणुकीने उत्सवाची सांगता झाली.
सांस्कृतिक समितीचे अध्यक्ष गिरीश साळुंखे तसेच मनोज दर्डा, कर्वे गुरुजी, मुकुंद सहस्त्रबुद्धे, युक्ता गुजराती, हर्षील शहा, आनंद चोरडिया व सर्व युवा महिला कार्यकर्त्यांनी कार्यक्रम आयोजनात मोलाचा वाटा उचलला.
समितीतर्फे १५ ऑगस्ट, २६ जानेवारी, श्री दत्त जयंती, दिवाळी पहाट, कोजागिरी पौर्णिमा, आंबा
महोत्सव अशा उपक्रमांमुळे तोडकर गार्डनमध्ये ऐक्य, श्रद्धा आणि संस्कृतीची परंपरा जपली जाते.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
