आनंद दरबार म्हणजे जैन धर्मातील परिवर्तनाचे केंद्रबिंदू – विजराज भंडारी (राष्ट्रीय अध्यक्ष-जितो)
पुणे – ‘आगम पर्व २०२५’ चातुर्मास मध्ये धर्म प्रचाराने प्रसार करण्यासाठी दान करणाऱ्या दानदात्यांचे सन्मान सोहळ्याचे आयोजन करण्यात आले होते. हा सन्मान सोहळा प.पू. इंदूप्रभाजी म.सा. आदी ठाणा ५ यांच्या पवित्र सानिध्यात संपन्न झाला. यावेळी समारोह अध्यक्ष या नात्याने भंडारी बोलत होते. पुढे बोलताना ते म्हणाले की, ‘आनंद दरबार ही दक्षिण पुण्यातील जैन धर्मासाठी खूप महत्त्वाची ऐतिहासिक वास्तू आहे.’ असे सांगून त्यांनी अध्यक्ष बाळासाहेब धोका यांच्या मार्गदर्शनाखाली सुरू असलेल्या कार्याला शुभेच्छा दिल्या. तसेच राष्ट्रसंत आचार्य भगवंत प.पू.आनंद ऋषीजी म.सा. यांच्या ‘ऊर्जा चरणांचे’ दर्शन घेतले. उद्योगपती राजेंद्र गूगले यांनी आनंद दरबारच्या धार्मिक आणि सामाजिक कार्याचे कौतुक केले. “आगम पर्व २०२५” चे चारमाह गौतम प्रसादीचे सहयोगी प्रकाश रसीकलाल धारीवाल परिवार आणि आनंद दरबार मध्ये होणाऱ्या उत्सवाचे सहयोगी मान्यवरांचे सन्मान ‘जीतो’चे राष्ट्रीय अध्यक्ष विजय भंडारी याच्या हस्ते करण्यात आला. यावेळी राजेंद्र गुगळे, अरुण शिंगवी, उमेदमल धोका, सुरेखा प्रकाश बोरा, सविता सुरजमल धोका, अनिल कांकरिया, संजय लोढा, डॉ. सुमतीलाल लोढा, प्रवीण चोपडा, सुरेखा लखीचंद खिवंसरा आदींचा सन्मान करण्यात आला.
आनंद दरबारचे अध्यक्ष बाळासाहेब धोका, चातुर्मास समिती पंकज बाफना, सौरभ धोका, आनंद लूणावत, लोकेश बाफना, सुयोग भंडारी, अर्चना गादिया, सुजाता सुराणा, आलोक धोका आदींसह आनंद दरबारचे सर्व सदस्य महिला मंडळ, बहु मंडळ, युवक मंडळ मोठ्या संख्येने उपस्थित होते.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
