पुणे – अखिल भारतीय मराठी नाट्य परिषद मध्यवर्ती मुंबई आयोजित “नाट्य परिषद करंडक” राज्यस्तरीय खुल्या एकांकिका स्पर्धा पुणे विभागासाठी नुकत्याच महाराष्ट्र कल्चरल सेंटर येथे उत्साहात पार पडल्या.
पुणे शाखा अध्यक्ष मेघराजराजे भोसले, कोथरूड शाखेचे उपाध्यक्ष समीर हंपी, मुख्य कार्यवाह सत्यजित धांडेकर, शाखेचे कोषाध्यक्ष दीपक गुप्ते यांच्या उपस्थितीत नटराज पूजन करून स्पर्धेचे उदघाटन करण्यात आले.
त्यामध्ये अमुक तमुक थिएटर (अवंचित), अन्विता थिएटर (ब्रँडेड बाय सडक छाप), दृकश्राव्य मीडिया (एक अधिक उणे), रंगनाट्य (उदघाटन), दादा साहेब फाळके फिल्म इन्स्टिटयूट (एआईटूएआय), कलाकंड प्रॉड (दि निगोसीएशन), लेट दिनकरराव बेहरे आर्ट फाउंडेशन (मैं हूँ ना), नाट्य कुल (एक एप्रिल), नाट्य हर्ष (शमा), कलाकार मंडळी (नाटेक) पराग थिएटर (टाईम टर्नर), दृष्टी पुणे (लगबत), रंग पंढरी (बरड), रस नवमी (अगीनफुल), सिंहगड लॉ कॉलेज (चूक), शब्दमाग वेळ (सहजीवन), टीम रामरक्षा (रामरक्षा), उदगार ( कुछ तो लोग कहेंगे)
अश्या एकूण १८ संघांनी आपल्या एकांकिका सादर केल्या.
ह्या वेळी समन्वयक देवेन्द्र भिडे, कोथरूड शाखेच्या अश्विनी थोरात, अनुराधा हटकर, दीपक पवार,अक्षय जगताप, गिरीश गोडबोले, अजिंक्य दाते, अभिषेक महाजन यांनी स्पर्धा यशस्वी करण्यात मोलाचा हातभार लावला.
परीक्षक म्हणून विश्वास सोहनी, गिरीश पत्की यांनी काम पाहिले.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
