पुणे – भाजप धार्जीण पुणे मनपा प्रशासनाला महात्मा ज्योतिबा फुले यांचे निवासस्थान फुलेवाडा व समताभूमी या नावाचा विसर पडल्यामुळे ‘प्रभाग क्रमांक २६ ला गुरवार पेठ -घोरपडी पेठ’ असे नाव देण्यात आले. हा जाणिवपूर्वक केलेला खोडसाळ प्रकार आम्ही फुले – आंबेडकर विचारांचे कार्यकर्ते खपवून घेणार नाही त्यामुळे प्रशासनाने आपली चूक तात्काळ दुरूस्त करून प्रभाग क्रमांक २६ च्या नावात “समताभूमी अथवा महात्मा फुले पेठ” हे नाव समाविष्ट करावे अशी मागणी मा.आयुक्त पुणे मनपा यांना लेखी निवेदनाद्वारे सिद्धार्थ कांबळे समताभूमी पुणे शहर यांच्या वतीने करण्यात आली आहे.
राष्ट्रमाता जिजाऊ, महात्मा फुले, सावित्रीबाई फुले यांचा वारसा लाभलेल्या या पुण्यात शिक्षणाची दारे खुली झाली ती याच परिसरातून होय तरीही भाजपाकृत या कृत्याने समस्त आंबेडकरी जनतेत रोष व्यक्त केला जातं आहे. समता भूमी, महात्मा फुले पेठ हे नाव पुणे महापालिका देणार का हे औत्सुक्याचे ठरणार आहे.
येत्या काहीअहिन्यात राज्यात २९ महापालिकेच्या निवडणूका आहेत. याला अनुसरून विविध प्रकारचे मुद्दे, मागण्या शिगेला पोचणार आहेत.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
