पुणे – रिपब्लिकन सोशालिस्ट पार्टीने हे प्रारूप रद्द करून नव्याने तयार करावे व त्यावर हरकती, सूचना मागवाव्यात, अशी मागणी केली. महापालिका निवडणुकीसाठीची प्रारूप प्रभाग रचना प्रशासनाने शुक्रवारी सायंकाळी जाहीर केली असून ही रचना सत्ताधारी भाजपच्या सोयीने केली जात असल्याची चर्चा राजकीय वर्तुळात होती परंतु आता प्रारूप जाहीर झाल्यानंतर राजकीय पक्षांकडून त्याविरोधात आवाज उठू लागला आहे. अनुसूचित जाती प्रवर्गाशी संबंधित आरक्षण व उमेदवारांवर अन्याय होईल अशा पद्धतीने प्रभागांची मोडतोड केलेली आहे. ती जाणीवपूर्वक केली गेली असल्याचे रिपब्लिकन सोशलिस्ट पार्टी अध्यक्ष राहुल डंबाळे यांनी म्हटले आहे. निवडणूक आयोगाने यात हस्तक्षेप करून व प्रारूप रचनेला स्थगिती देण्यात यावी ही मागणी अशी केली.
हरकती व सूचना दाखल करण्याची मुदत ३ सप्टेंबर २०२५ पर्यंत आहे. तदनंतर या हरकतींची संबंधित हरकत घेणाऱ्यांना बोलावून प्रशासनाच्या वतीने सुनावणी घेतली जाईल. योग्य असल्यास बदल केले जातील व त्यानंतरच निवडणुकीसाठीची अंतिम प्रभागरचना जाहीर केली जाईल. त्यानंतर या रचनेनुसारच निवडणूक घेतली जाईल.
राष्ट्रवादी काँग्रेस (शरद पवार) पक्षाचे शहराध्यक्ष प्रशांत जगताप यांनी आधीच प्रभागांची मोडतोड करून भाजप आपली राजकीय सोय साधत असल्याचा जाहीर आरोप केला होता. आता प्रारूप प्रभाग आराखडा पब्लिश झाल्यानंतरही त्यांनी आरोप कायम ठेवला असून शिवसेना (उद्धव ठाकरे) पक्षाने अद्याप यावर जाहीर मत व्यक्त केले नाही. काँग्रेसने सत्ताधाऱ्यांनी त्यांना सोयीस्कर अशीच रचना केल्याचे म्हटलेले आहे.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
