अवजड वाहनांवर वाहतूक निर्बंध लागू
पुणे – पुणे शहर वाहतूक शाखेने गंगाधाम मार्केट यार्ड परिसरात वाहतुकीत तात्पुरते बदल केलेले आहेत. टिळेकर चौक ते आईमाता मंदिर हाइट बॅरिअरपर्यंत रात्री दहा ते सकाळी आठपर्यंत ट्रक, मिक्सर, डंपर कंटेनर अशा सर्व जड आणि अवजड वाहनांना मुभा राहील. पण आईमाता मंदिर हाइट बॅरिअरपासून गंगाधाम चौका च्या दरम्यान रस्त्यावर सर्व जड, अवजड वाहनांना वाहतुकीसाठी २४ तास बंदी राहणार असून कोंढवा भागातील लुल्लानगर ते गंगाधाम चौक – चंद्रलोक हॉस्पिटल चौक तसेच, गंगाधाम चौक-वखार महामंडळ चौक – चिमणराव ढोले ( सेव्हन लव्हज चौक ) या मार्गावर ट्रक, मिक्सर, डंपर, कंटेनर आणि इतर सर्व प्रकारच्या जड, अवजड वाहनांना वाहतुकीसाठी सकाळी आठ ते रात्री दहापर्यंत ये-जा करण्यास बंदी राहील.
वखार महामंडळ चौक ते मार्केट यार्ड प्रवेशद्वार क्रमांक नऊदरम्यान केवळ रात्री आलेल्या मालवाहू वाहनांना माल उतरविण्यासाठी कृषी उत्पन्न बाजार समितीच्या खासगी मार्गावर दिवसा वाहतूक करण्यास परवानगी राहील अशी माहिती वाहतूक शाखेचे पोलिस उपायुक्त हिंमत जाधव यांनी दिली.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
