काशेवाडीत आंतरराष्ट्रीय महिला दिन साजरा

पुणे :- एक पाऊल पुढं प्रतिष्ठान तर्फे आंतरराष्ट्रीय महिला दिन मोठ्या उत्साहात, आनंदात आणि प्रेरणादायी वातावरणात साजरा करण्यात आला. कार्यक्रमाची सुरुवात लहान मुलींनी धरतीचे आम्ही लेकरं ही कविता गाऊन करण्यात आली. कार्यक्रमामध्ये महिलांसाठी मार्गदर्शक पर भाषणे आणि समाजात महिलांचे योगदान किती मोठे आहे, कुटुंब घडविण्यात आणि समाज उभारण्यात महिलांची भूमिका किती महत्त्वाची आहे यावर उपस्थित मान्यवर संविधान जागर अभियानाचे कार्यकर्ते रुषल निलिमा आणि मंगल यांनी आपले विचार व्यक्त केले. या कार्यक्रमात अनेक महिलांनी उत्साहाने सहभाग घेतला आणि आपले अनुभव मांडले. काही कर्तृत्ववान महिलांचा विशेष सन्मान नेहा कांबळे व मोनिश कांबळे या दांपत्याच्या हस्ते करून त्यांच्या कार्याला प्रोत्साहन देण्यात आले. व शेवटी महिला सन्मान शपथ घेऊन सर्व महिलांना भेटवस्तू देण्यात आले. कार्यक्रमामुळे सर्व महिलांमध्ये आत्मविश्वास, एकजूट आणि नवीन ऊर्जा निर्माण झाली. उपस्थित नागरिकांनी हा सुंदर आणि प्रेरणादायी कार्यक्रम आयोजित केल्यामुळे नेहा कांबळे व मोनिश कांबळे यांचे नागरिकांनी कौतुक व मनापासून आभार मानले.