पुणे :- संत गाडगेबाबा यांच्या जयंतीनिमित्त गिरीधर भवन चौक मुकुंदनगर येथे प्रतिमा पूजन व पुष्पहार अर्पण गुलटेकडी चौक येथे घेण्यात आले. एकता सेवा प्रतिष्ठानचे गणेश शेरला यांनी आयोजन केले होते. शेरला म्हणाले या देशात राज्यात संत महात्मा होऊन गेले त्यांनी आपले आयुष्य लोककल्याणासाठी वेचले, त्यांचा आदर्श घेऊन आपण आपला परिसर स्वच्छ ठेवण्याचा संकल्प करायला हवा, महापुरुषांना एका जाती धर्मात बांधणे चुकीचे असून एकतेचा संदेश देणारे सर्व महापुरुष हे सर्वासाठी काम केले असल्याचे नमूद केले. यावेळी समरसता गतीवीधी सदस्य प्रसाद खंडागळे यांनी गाडगेबाबा महाराज यांचे सुरुवातीपासून चे जीवन विस्तृत पणे मांडले. संतांचे कार्य हे आदर्शवत असून त्यांच्या कार्यापासून प्रेरणा घेणे आवश्यक असल्याचेही त्यांनी आवर्जून नमूद केले. यावेळी किरण वैष्णव, अक्षय झांबरे, गौतम बनसोडे, युसुफ मोमिन, पत्रकार संतोष वाफगावकर, पत्रकार सुनिल शेवरे, मुन्ना मुलानी, गणेश थिटे, शिवाजी साठे,अंकुश खंडागळे आदि उपस्थित होते. एकता सेवा प्रतिष्ठान वतीने शेरला यांनी कार्यक्रमाची सांगता केली.
रॅशनल टाईम्स हे डिजिटल बातमी प्रसारित करण्याचे माध्यम श्री.सुनिल चंद्रकांत शेवरे यांच्या मालकीचे असून त्यांनी सावित्रीबाई फुले पुणे विद्यापीठ अंतर्गत असणाऱ्या रानडे इन्स्टिटयूट वृत्तपत्र व संज्ञापन विभाग येथे पत्रकारि तेचे शिक्षण पूर्ण केले आहे.
